Pastenargo
Daucus carota subsp. sativus
Apiaceae Umbelliferae
Àutri noum : Garroto, Pastanargo, Pastounargo, Pastenaio.
Noms en français : Carotte cultivée, Carotte.
Descripcioun :Cadun counèis la pastenargo o garroto cultivado emé sa racino coulourido (subsp. sativus). Nous vèn d'Afganistan. Se recounèis tambèn à si brout souvènt redoun e pas plat e à si fueio basalo bèn drecho. S'escapo raramen di culturo.
Usanço :Avès tóuti manja de pastenargo ! Pamens se saup mens que touto la planto èi manjadisso. Li fueio en rouseto soun goustouso, èron manjado à passa tèms au nostre. Li jòuini cambo podon èstre alestido cruso o cuecho autambèn li flour. Poudèn peréu acampa li fru, sènton bon e servon de sabourun. La pastenargo èi vertuouso contro li mau de vèntre e tambèn pèr assana li plago.
Port : Grando erbo
Taio : 0,2 à 1 m
Fueio : alterno
Tipe bioulougico : Emicriptoufite
Cicle bioulougico : Renadivo mounoucarpico
Gènre : Daucus
Famiho : Apiaceae
Famiho classico : Umbelliferae
Ordre : Apiales
Coulour de la flour :
Blanco
Petalo : 5
Ø (o loungour) enflourejado : 6 à 10 cm
Flourido : Printèms
- Estiéu
Sòu : Ca
Autour basso e auto :
Pancaro entresigna
Aparado : Noun
Remarco : Planto cultivado
Liò : Champ
Estànci : Termoumediterran à Mountagnard
Couroulougi : Óurigino Afganistan
Ref. sc. : Daucus carota subsp. sativus (Hoffm.) Schübler & G.Martens, 1834
Campaneto(-di-fueio-en-lausange)
Campanula rhomboidalis
Campanulaceae
Autre noum : Campanello(-di-fueio-en-lausange).
Noms en français : Campanule rhomboïdale, Campanule à feuilles rhomboïdales.
Descripcioun :Aquesto campaneto trachis en mountagno dins li prado de sègo e lis esclargido. Se recounèis majamen à si fueio en lausange (ço que i'a douna soun noum), dentado e de 15 à 50 mm de long. La cambo èi bèn drecho emai siegue primo. Pòu èstre peludo o noun. Èi coumuno soulamen dins l'uba de noste relarg.
Usanço :Couneissèn pas d'usanço particuliero pèr aquelo planto. Escriéure au site se n'en sabès mai.
Port : Erbo
Taio : 20 à 80 cm
Fueio : alterno
Tipe bioulougico : Emicriptoufite
Cicle bioulougico : Planto renadivo
Gènre : Campanula
Famiho : Campanulaceae
Ordre : Asterales
Coulour de la flour :
Vióuleto
Petalo : 5
Ø (o loungour) flour : 12 à 20 mm
Flourido :
Estiéu - Autouno
Sòu : Ca
Autour basso e auto : 800 à 2200 m
Aparado : Noun
Liò : Prado de sègo
- Prado umido
- Esclargido de sapiniero
Estànci : Coulinen à Subaupen
Couroulougi : Ouroufite-Ouèst-Éuropenco
Ref. sc. : Campanula rhomboidalis L., 1753
